Улстөр нийгэм

Бэлчээр ашиглалтыг сайжруулахад холбогдох яамд хамтран ажиллана

Огноо:

2 жил 9 сар.өмнө

2023/08/31

Улсын тусгай хэрэгцээний аймаг дундын отрын бэлчээрийн ашиглалт, хамгаалалтын өнөөгийн байдалд Улсын Их Хурлын Байгаль орчин, Хүнс, хөдөө аж ахуйн байнгын хорооны ажлын хэсэг дүгнэлт хийж “Аймаг дундын отрын бүс нутаг, бэлчээр ашиглалтын талаар авах зарим арга хэмжээний тухай” 13 дугаар тогтоол гаргасан.

Энэхүү тогтоолыг хэрэгжүүлэхээр ХХААХҮ-ийн дэд сайд М.Ганхүлэгээр ахлуулсан, Байгаль орчин, аялал жуулчлалын яам, Барилга, хот байгуулалтын яам, Соёлын яам болон бусад төрийн болон төрийн бус байгууллагын төлөөлөл оролцсон ажлын хэсэг байгуулагдан хэрэгжүүлэх арга хэмжээний төлөвлөгөөг баталлаа. Үүнд:

Улсын тусгай хэрэгцээний аймаг дундын отрын бүс нутгуудад хил заагийн давхцалыг арилгах
Улсын болон орон нутгийн тусгай хэрэгцээний отрын бүс нутгийг шинэчлэн зохион байгуулах
Аймаг дундын отрын бүсүүдийн бэлчээрийн төлөв байдлын судалгаа, дүгнэлт гаргах
Улсын тусгай хэрэгцээний аймаг дундын отрын бүс нутагт байгаа түүх дурсгалын үнэт эд зүйлийг соёлын өвийн хамгаалах багтаж байна.

Тус ажлын хэсэгтэй холбоотой асуудлаар салбарын мэргэжилтнүүд, судлаачид, малчид, иргэдийн саналыг нээлттэй хүлээн авч ажиллана.

Эх сурвалж: ХХААХҮЯ

Уншсан:1551

Дараах мэдээ

ЗГ: Сонгинохайрхан дүүргийн 162 дугаар сургуулийг Монгол-Оросын хамтарсан сургууль болгон өөрчиллөө

Өмнөх мэдээ

Засгийн газрын ээлжит хуралдаан боллоо

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

УИХ-ын дарга С.Бямбацогтод БНАЛАУ-ын Төрийн аудитын байгууллагын төлөөлөгчид бараалхлаа

Огноо:

1 цаг 2 минут

2026/06/09

Монгол Улсын Их Хурлын дарга С.Бямбацогт 2026 оны зургаадугаар сарын 08-ны өдөр Бүгд Найрамдах Ардчилсан Лаос Ард Улсын Төрийн аудитын байгууллагын тэргүүн Виенгтависоне Тепачан тэргүүтэй төлөөлөгчдийг хүлээн авч уулзлаа.

Уулзалтын эхэнд УИХ-ын дарга С.Бямбацогт эрхэм зочдыг Монгол Улсад тавтай морилохыг хүсэн мэндчилж, хоёр орны уламжлалт найрсаг харилцаа, хамтын ажиллагаа тасралтгүй хөгжиж ирснийг онцлон тэмдэглэлээ.

Тэрбээр хоёр улс 1962 онд дипломат харилцаа тогтоосноос хойш улс төр, парламент болон бусад салбарын хамтын ажиллагааг тууштай хөгжүүлж ирснийг онцлоод, үүнд хоёр улсын хууль тогтоох байгууллагын хамтын ажиллагаа чухал байр суурь эзэлж байгааг тэмдэглэв.

Түүнчлэн Монгол Улсын Их Хурал болон Лаосын Үндэсний Ассамблей хоорондын хамтын ажиллагаа сүүлийн жилүүдэд идэвхтэй өргөжиж, харилцан айлчлал, туршлага солилцох үйл ажиллагаа тогтмолжиж байгааг тодотголоо. Мөн Лаосын Үндэсний Ассамблейгаас 2003 онд Монгол Улсын Их Хуралд бэлэглэсэн улаан модон ширээ, сандал зэрэг тавилга өнөөдөр ч Улсын Их Хурлын чуулганы нэгдсэн хуралдааны танхимд байгаа бөгөөд хоёр орны найрамдал, хамтын ажиллагааны үнэ цэнтэй бэлгэ тэмдэг болсоор байгааг тэмдэглэв.

Улсын Их Хурал 2020 онд Төрийн аудитын тухай хуулийг шинэчлэн баталж, төрийн аудитын байгууллагын хараат бус байдлыг ханган, эрх зүйн орчныг боловсронгуй болгосон гэдгийг УИХ-ын дарга дурдаад, хоёр улсын аудитын байгууллагын хамтран зохион байгуулах сургалт, хэлэлцүүлгийн үйл ажиллагаанд амжилт хүслээ.

Бүгд Найрамдах Ардчилсан Лаос Ард Улсын Төрийн аудитын байгууллагын тэргүүн Виенгтависоне Тепачан төлөөлөгчдийг найрсагаар хүлээн авсан УИХ-ын даргад талархал илэрхийлээд, хоёр улсын хууль тогтоох байгууллага, төрийн аудитын байгууллагын хамтын ажиллагаа өргөжиж буйд сэтгэл хангалууд байгаагаа тэмдэглэлээ. Мөн тэрбээр тааламжтай цагтаа Лаос Улсад айлчлах БНАЛАУ-ын Үндэсний Ассамблей даргын урилгыг уламжлав.

Уулзалтад УИХ-ын гишүүн, УИХ дахь Монгол-Лаосын парламентын С.Одонтуяа, УИХ-ын гишүүн Б.Пунсалмаа, БНАЛАУ-ын Төрийн аудитын байгууллагын дэд ерөнхийлөгч Той Понтхилат, БНАЛАУ-аас Монгол Улсад суугаа Элчин сайд Хонгкео Соуксават нар оролцлоо

Дэлгэрэнгүй унших