Шударга мэдээ
Төрийн банк “Тогтвортой хөгжил-Ногоон ирээдүй” үзэсгэлэн худалдааг орон даяар зохион байгуулж эхэллээ
Төрийн банкнаас ногоон хөгжлийг дэмжих зорилгоор уламжлал болгон зохион байгуулдаг “Тогтвортой хөгжил-Ногоон ирээдүй” үзэсгэлэн худалдааныхаа цар хүрээг тэлж 21 аймагт зохион байгуулж эхэллээ.
Тус үзэсгэлэн худалдааг Өмнөговь аймгийн Даланзадгад хотын “Хөгжимт жүжгийн театр”-т 2025 оны тавдугаар сарын 24-ний өдөр буюу өнөөдөр зохион байгуулснаар ногоон технологийн үзэсгэлэн худалдаа зохион байгуулсан эхний аймаг боллоо. Төрийн банк нь бэлтгэн нийлүүлэгчдэд байгальд ээлтэй бараа бүтээгдэхүүнээ сурталчлан борлуулах боломж олгож, нөгөө талаас харилцагчид байгальд ээлтэй, сүүлийн үеийн, дэвшилтэт технологиудтай танилцаж, ногоон зээлийг газар дээр нь шийдвэрлүүлэн авах нөхцөлийг бүрдүүлж байгаа гэдгээрээ онцлог юм.
Үзэсгэлэн худалдаанд Улаанбаатар хотоос сэргээгдэх эрчим хүч, дулаалгын болон эко тээврийн хэрэгслийн бэлтгэн нийлүүлэгчид хүрэлцэн ирж оролцож байгаагаас гадна Өмнөговь аймагт үйл ажиллагаа явуулдаг тогтвортой хөгжилд чиглэсэн бизнес эрхлэгчдийг хамруулж байгаа гэдгээрээ давуу талтай.
Банкны зүгээс үзэсгэлэн худалдааны үеэр харилцагчдад Тогтвортой хөгжлийн ач холбогдлыг таниулах, Тогтвортой санхүүжилтийн талаарх мэдлэг олгон ажиллаж байна.
“Тогтвортой хөгжил-Ногоон ирээдүй” үзэсгэлэн худалдаа 2025 оны тавдугаар сарын 26-ны өдөр Дундговь аймгийн Мандалговь хотод зохион байгуулагдах аж.
Ногоон хөгжлийг дэмжигч Төрийн банк
Шударга мэдээ
Нийслэлийн байгаль орчны газар мэдэгдэл гаргалаа
МЭДЭГДЭЛ
Нийслэлийн нутаг дэвсгэрт түгээмэл тархацтай ашигт малтмалын ашиглалтын тусгай зөвшөөрөл эзэмшигч аж ахуйн нэгжүүдийн олборлолтын үйл ажиллагааны нөлөөллийн бүсэд хүний амь нас, эрүүл мэнд, хүрээлэн буй орчинд учирч болзошгүй эрсдэлээс урьдчилан сэргийлэх, байгаль орчныг хамгаалах зорилгоор дараах арга хэмжээг авч хэрэгжүүлэхийг мэдэгдэж байна.
1. Түгээмэл тархацтай ашигт малтмалын ашиглалтын тусгай зөвшөөрөл эзэмшигч аж ахуйн нэгжүүд ашиглалтын талбай дахь олборлолтын үйл ажиллагааны нөлөөллийн бүсэд оршин суугаа иргэд, мал амьтанд үзүүлэх сөрөг нөлөөллийг бууруулах, учирч болзошгүй эрсдэлийг арилгах, аюулгүй байдлыг хангах арга хэмжээг тогтмол зохион байгуулах;
2. Ашиглалтын болон хайгуулын талбайд үүссэн ам цооног, ил уурхайн ухаш, нүх, шуудуу, хаягдлын байгууламж болон бусад аюултай хэсгийг хашаажуулах, анхааруулах тэмдэг, тэмдэглэгээ байрлуулах, шаардлагатай хамгаалалтын хэрэгслээр тоноглох, аюулгүй байдлыг хангах, ашиглалт дууссан болон эрсдэл бүхий талбайг үе шаттайгаар булж тэгшлэх;
3. Хүүхэд хамгааллын тухай хууль тогтоомжид нийцүүлэн хүүхэд хамгааллын бодлогоо баталж мөрдүүлэх, хүүхэдтэй холбоотой эрсдэлийг илрүүлэх, үнэлэх, урьдчилан сэргийлэх, мэдээлэх болон шаардлагатай хариу арга хэмжээг шуурхай авч хэрэгжүүлэх;
4. Энэхүү мэдэгдлийн хэрэгжилтийг зохион байгуулж, авсан арга хэмжээ, хэрэгжилтийн явц, үр дүнгийн талаарх мэдээллийг 2026 оны 06 дугаар сарын 10-ны дотор Нийслэлийн Байгаль орчны газарт тухай бүр ирүүлж ажиллах.
Мэдэгдлийг холбогдох хууль тогтоомжийн хүрээнд хэрэгжүүлж, олборлолтын үйл ажиллагааны аюулгүй байдал, байгаль орчны хамгаалал, нийгмийн хариуцлагыг хангаж ажиллахыг үүгээр мэдэгдье.
НИЙСЛЭЛИЙН БАЙГАЛЬ ОРЧНЫ ГАЗАР
Шударга мэдээ
Нийслэлийн нэг цэгийн үйлчилгээний төв болон 21 аймагт 1072 хувьцааг өвлүүлнэ
Шударга мэдээ
Хар салхины улмаас Улаанбаатар-Токио-Улаанбаатар чиглэлийн өнөөдрийн нислэгийг цуцалжээ
2026 оны 6 дугаар сарын 3-ны өдөр Япон улсын Канто бүс нутгийг чиглэн ойртож буй “Жанми” хар салхины улмаас Улаанбаатар-Токио-Улаанбаатар чиглэлийн ОМ501 болон ОМ502 нислэгийг цуцалжээ.
“МИАТ” ТӨХК-иас 2026 оны 6 дугаар сарын 3-ны өдрийн OM501/OM502 нислэгийн зорчигчдыг 6 дугаар сарын 4-ний өдрийн нислэгт шилжүүлэн тээвэрлэх ажлыг зохион байгуулж байна.
Уг нислэгт зорчих тийз худалдан авсан зорчигчид, тийзээ худалдан авсан борлуулалтын төвд хандаж нислэгийн өдрөө өөрчлүүлэхийг “МИАТ” ТӨХК-иас мэдээллээ.
-
Улстөр нийгэм2022/02/08
“Эрдэнэс Тавантолгой” ХК-ийн ажлын байрны нээлттэй өдөрлөг болно
-
Улстөр нийгэм2020/05/28
Үндэсний цэцэрлэгт хүрээлэнгийн захирлыг үүрэгт ажлаас нь чөлөөллөө
-
Цаг үе2023/02/14
Үс шинээр үргээлгэх буюу засуулахад тохиромжгүй
-
Шударга мэдээ2024/10/01
Эрүүгийн 17 хэргийг шүүхэд шилжүүлэх саналтай шилжүүлэв