Улстөр нийгэм

Хадгаламж, зээлийн хоршооны тухай хуулийн шинэчилсэн найруулгын төслийн хэлэлцүүлэг боллоо

Огноо:

8 сар 9 өдөр.өмнө

2025/10/03

Санхүүгийн хоршооны эрх зүйн орчныг шинэчлэх, гишүүдийн эрх ашгийг хамгаалах, хоршоодын үйл ажиллагааг илүү нээлттэй, хариуцлагатай болгох цаашилбал санхүүгийн зах зээлийн тогтвортой хөгжилд хувь нэмэр оруулах зорилготой “Санхүүгийн хоршооны тухай хуулийн төсөл боловсруулах, өргөн мэдүүлэх” ажлын хэсгийн олон нийтээс санал авах нээлттэй хэлэлцүүлэг эхэллээ.

УИХ-ын гишүүн Д.Үүрийнтуяагаар ахлуулсан ажлын хэсгийн хэлэлцүүлэг энэ сарын 3-4-ний өдрүүдэд Дархан-Уул, Орхон аймагт эхэллээ. Хэлэлцүүлгийн нээлтэд УИХ-ын гишүүн Д.Үүрийнтуяа, Санхүүгийн зохицуулах хорооны дарга Т.Жамбаажамц нар оролцож, хуулийн төслийн зорилго, хэрэгцээ, ач холбогдлын талаар танилцуулга мэдээллийг өглөө.

Санхүүгийн зохицуулах хорооны дарга Т.Жамбаажамц хэлэлцүүлгийг нээж хэлсэн үгэндээ “Энэхүү хуулийн төсөлд хадгаламж, зээлийн хоршоог олон улсын жишигт нийцүүлж хөгжүүлэх, санхүүгийн хоршооны найдвартай байдал, хадгаламж эзэмшигчдийн хөрөнгийг хамгаалах тогтолцоог нэвтрүүлэхийг тусгасан. Мөн хадгаламж, зээлээс гадна хоршооны гишүүдийн нийгэм, соёлын хэрэгцээг бүрэн хангахуйц, нэмэлт үйл ажиллагаа эрхлэх боломжтой байхаар тусгаж чадсан” гэдгийг онцолсон юм.

Хэлэлцүүлэгт Дархан-Уул, Сэлэнгэ, Орхон, Булган аймгийн төрийн байгууллагын төлөөлөл, хадгаламж зээлийн хоршоодын удирдлагууд болон иргэд, олон нийт оролцож санал бодлоо илэрхийлсэн юм. Хэлэлцүүлэг цаашид бусад аймаг, бүс нутгуудад үргэлжлэх бөгөөд олон нийт, иргэд, мэргэжлийн байгууллагуудын саналыг тусгаж, хуулийн төслийг илүү боловсронгуй болгох зорилготой.

Уншсан:871

Дараах мэдээ

“Сэлбэ 20 минутын хот” төслийн барилгын талбайд нийт 532 хүн ажиллаж байна

Өмнөх мэдээ

Үнэт цаасны зах зээлийн бодлогын зөвлөлийн ээлжит хуралдаан боллоо

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

УИХ-ын дарга С.Бямбацогтод БНАЛАУ-ын Төрийн аудитын байгууллагын төлөөлөгчид бараалхлаа

Огноо:

1 цаг 4 минут

2026/06/09

Монгол Улсын Их Хурлын дарга С.Бямбацогт 2026 оны зургаадугаар сарын 08-ны өдөр Бүгд Найрамдах Ардчилсан Лаос Ард Улсын Төрийн аудитын байгууллагын тэргүүн Виенгтависоне Тепачан тэргүүтэй төлөөлөгчдийг хүлээн авч уулзлаа.

Уулзалтын эхэнд УИХ-ын дарга С.Бямбацогт эрхэм зочдыг Монгол Улсад тавтай морилохыг хүсэн мэндчилж, хоёр орны уламжлалт найрсаг харилцаа, хамтын ажиллагаа тасралтгүй хөгжиж ирснийг онцлон тэмдэглэлээ.

Тэрбээр хоёр улс 1962 онд дипломат харилцаа тогтоосноос хойш улс төр, парламент болон бусад салбарын хамтын ажиллагааг тууштай хөгжүүлж ирснийг онцлоод, үүнд хоёр улсын хууль тогтоох байгууллагын хамтын ажиллагаа чухал байр суурь эзэлж байгааг тэмдэглэв.

Түүнчлэн Монгол Улсын Их Хурал болон Лаосын Үндэсний Ассамблей хоорондын хамтын ажиллагаа сүүлийн жилүүдэд идэвхтэй өргөжиж, харилцан айлчлал, туршлага солилцох үйл ажиллагаа тогтмолжиж байгааг тодотголоо. Мөн Лаосын Үндэсний Ассамблейгаас 2003 онд Монгол Улсын Их Хуралд бэлэглэсэн улаан модон ширээ, сандал зэрэг тавилга өнөөдөр ч Улсын Их Хурлын чуулганы нэгдсэн хуралдааны танхимд байгаа бөгөөд хоёр орны найрамдал, хамтын ажиллагааны үнэ цэнтэй бэлгэ тэмдэг болсоор байгааг тэмдэглэв.

Улсын Их Хурал 2020 онд Төрийн аудитын тухай хуулийг шинэчлэн баталж, төрийн аудитын байгууллагын хараат бус байдлыг ханган, эрх зүйн орчныг боловсронгуй болгосон гэдгийг УИХ-ын дарга дурдаад, хоёр улсын аудитын байгууллагын хамтран зохион байгуулах сургалт, хэлэлцүүлгийн үйл ажиллагаанд амжилт хүслээ.

Бүгд Найрамдах Ардчилсан Лаос Ард Улсын Төрийн аудитын байгууллагын тэргүүн Виенгтависоне Тепачан төлөөлөгчдийг найрсагаар хүлээн авсан УИХ-ын даргад талархал илэрхийлээд, хоёр улсын хууль тогтоох байгууллага, төрийн аудитын байгууллагын хамтын ажиллагаа өргөжиж буйд сэтгэл хангалууд байгаагаа тэмдэглэлээ. Мөн тэрбээр тааламжтай цагтаа Лаос Улсад айлчлах БНАЛАУ-ын Үндэсний Ассамблей даргын урилгыг уламжлав.

Уулзалтад УИХ-ын гишүүн, УИХ дахь Монгол-Лаосын парламентын С.Одонтуяа, УИХ-ын гишүүн Б.Пунсалмаа, БНАЛАУ-ын Төрийн аудитын байгууллагын дэд ерөнхийлөгч Той Понтхилат, БНАЛАУ-аас Монгол Улсад суугаа Элчин сайд Хонгкео Соуксават нар оролцлоо

Дэлгэрэнгүй унших