Бидэнтэй нэгдэх

Цаг үе

Сурагчидаа ЭЕШ-д хамгийн сайн бэлтгэдэг сургуулиуд

Огноо:

4 жил 5 сар.өмнө

,

Хүүхдэдээ чанартай боловсрол эзэмшүүлэх  нь гэр бүл бүрийн томоохон зорилгын нэг. Гэтэл “Энэ олон сургуулийн аль нь сайн сургалттай вэ” гэх асуудал тулгарна.

Тодруулбал, манай улсад өнгөрсөн оны байдлаар 848 ерөнхий боловсролын сургууль байгаагаас 166 нь хувийн өмчийнх, 682 нь төрийн өмчийн сургууль байна. Нөгөө талаас сурагчид нь элсэлтийн ерөнхий шалгалтад хэр амжилт үзүүлсэнээр тухайн сургуулийн сургалтын чанарыг үнэлэх хандлага бий.

Иймд бид  өнгөрсөн онд элсэлтийн ерөнхий шалгалтад дундаж онооны үзүүлэлтээр улсад тэргүүлсэн ерөнхий боловсролын сургуулуудийн талаар мэдээлэл хүргэж байна.

ЭЕШ-ийн дундаж оноогоор улсад тэргүүлсэн 15 сургууль

2021 онд математик, нийгмийн ухаан, англи хэл, фикик, биологи, хими зэрэг хамгийн олон сурагч оролцсон зургаан хичээлийн дундаж үзүүлэлтээр /658,1 оноо/ “Оюунлаг” сургууль улсын хэмжээнд тэргүүлсэн байна. XI ахлах сургууль 651 оноогоор хоёрдугаарт, 644.2 оноогоор “Сант” сургууль гуравдугаар бичигджээ.

  1. Оюунлаг сургууль  658.1
  2. 11-р ахлах сургууль 651.0
  3. Сант сургууль  644.2
  4. Шинэ Монгол сургууль 637.7
  5. Шинэ Монгол Харумафүжи сургууль  632.3
  6. Шинэ Эхлэл ахлах сургууль  621.9
  7.  Томүжин алтернатив скүүлс сургууль 615.0
  8. Шинэ Эрин ахлах сургууль  611.2
  9. Орхон Хасү бүрэн дунд сургууль 604.2
  10. Олонлог ахлах сургууль  602.6
  11. Орчлон ахлах сургууль 600.5
  12. Нест эдүкейшн сургууль 592.8
  13. Логарифм сурууль  591.9
  14. Олонлог академи  579.7
  15. 1-р ахлах сургууль – 557.6

Англи хэлний хичээлийн дундаж оноогоор тэргүүлсэн 15 сургууль

Англи хэлний хичээлийн  тухайд мөн л “Оюунлаг” /672,89 оноо/, “Сант” /667.69 оноо/ сургууль тэргүүлсэн байна. Харин гуравдугаарт 666,75 оноогоор “Шинэ эхлэл” ахлах сургууль бичигджээ.

  1. Оюунлаг сургууль 672.89
  2. Сант сургууль 667.69
  3. Шинэ Эхлэл ахлах сургууль 666.75
  4. Орчлон ахлах сургууль 653.03
  5. Томүжин алтернатив скүүлс сургууль 648.56
  6. Шинэ Монгол сургууль 646.69
  7. Шинэ Эрин ахлах сургууль 642.43
  8. Орхон Хасү бүрэн дунд сургууль 638.6
  9. 11-р ахлах сургууль 638.41
  10. Олонлог ахлах сургууль 631.83
  11. Логарифм сурууль 628.1
  12. Нест эдүкейшн сургууль 627.84
  13.  Улаанбаатар элит олон улсын сургууль 626.11
  14. Шинэ монгол Харумафүжи сургууль 624.57
  15. Олонлог эгзэ 622

Физикийн хичээлийн дундаж оноогоор тэргүүлсэн 15 сургууль

2021 оны ЭЕШ-ийн физикийн хичээлийн дундаж үзүүлэлтийн жагсаалтыг 667,79 оноогоор “Оюунлаг”  сургууль, 661,83 оноогоор XI ахлах сургууль, 660,75 оноогоор “Орчлон” ахлах сургууль тэргүүлсэн байна.

  1. Оюунлаг сургууль 667.79
  2. 11-р ахлах сургууль 661.83
  3. Орчлон ахлах сургууль 660.75
  4. Шинэ Монгол сургууль 655.42
  5.  Шинэ монгол Харумафүжи сургууль 649.5
  6. Сант сургууль 647.5
  7. Шинэ Эхлэл ахлах сургууль 645.23
  8. Олонлог ахлах сургууль 632.18
  9. Орхон Хасү бүрэн дунд сургууль 619.22
  10. Шинэ Эрин ахлах сургууль 617.33
  11. Томүжин алтернатив скүүлс сургууль 614.2
  12. Логарифм сурууль 591.25
  13. Олонлог академи 582.5
  14. Нест эдүкейшн сургууль 576.05
  15. Эрхэт эрдэм 574.5

Математикийн хичээлийн дундаж оноогоор тэргүүлсэн 15 сургууль

Өнгөрсөн оны ЭЕШ-ийн математикийн хичээлийн дундаж үзүүлэлтийн жагсаалтыг 703,8 оноогоор XI ахлах сургууль, 667,4 оноогоор  “Оюунлаг”  сургууль, 662,03 оноогоор “Сант” ахлах сургууль тэргүүлсэн байна.

  1. 11-р ахлах сургууль 703.8
  2. Оюунлаг сургууль 667.4
  3. Сант сургууль 662.03
  4. Олонлог ахлах сургууль 650.43
  5. Орхон Хасү бүрэн дунд сургууль 640.76
  6.  Шинэ Монгол сургууль 628.11
  7. Шинэ Эхлэл ахлах сургууль 626.43
  8. Эрхэт эрдэм 625.53
  9.  Шинэ монгол Харумафүжи сургууль 613.39
  10. Шинэ Эрин ахлах сургууль 609.51
  11. Логарифм сурууль 595.3
  12. Томүжин алтернатив скүүлс сургууль 595.15
  13. Нест эдүкейшн сургууль 586.25
  14. 1-р ахлах сургууль 569.65
  15. Олонлог академи 565.4

Биологийн хичээлийн дундаж оноогоор тэргүүлсэн 15 сургууль

Өнгөрсөн оны ЭЕШ-ийн математикийн хичээлийн дундаж үзүүлэлтийн жагсаалтыг 703,8 оноогоор XI ахлах сургууль, 667,4 оноогоор  “Оюунлаг”  сургууль, 662,03 оноогоор “Сант” ахлах сургууль тэргүүлсэн байна.

  1. Оюунлаг сургууль – 646
  2. 11-р ахлах сургууль – 645.33
  3. Шинэ Монгол сургууль- 644.28
  4. Шинэ монгол Харумафүжи сургууль- 638,86
  5. Сант сургууль –638.17
  6. Шинэ Эрин ахлах сургууль -604.62
  7. Шинэ Эхлэл ахлах сургууль -604,33
  8. Томүжин алтернатив скүүлс сургууль -599.33
  9. Орчлон ахлах сургууль -589.43
  10. Олонлог академи- 581.75
  11. Ерөнхий боловсролын Нест эдүкейшн сургууль -581,5
  12. Орхон Хасү бүрэн дунд сургууль – 574
  13. Логарифм сурууль- 572
  14. 1-р ахлах сургууль -571.31
  15. Олонлог ахлах сургууль–553

Химийн хичээлийн дундаж оноогоор тэргүүлсэн 15 сургууль

Өнгөрсөн оны ЭЕШ-ийн химийн хичээлийн дундаж үзүүлэлтийн жагсаалтыг 670.39 оноогоор “Шинэ Монгол” сургууль, 648,67 оноогоор  “Оюунлаг”  сургууль, 649,96 оноогоор “Шинэ монгол Харумафүжи” сургууль  тус тус тэргүүлсэн байна.

  1. Шинэ Монгол сургууль 670.39
  2. Оюунлаг сургууль 648.67
  3.  Шинэ монгол Харумафүжи сургууль 646.96
  4.  Томүжин алтернатив скүүлс сургууль 641.5
  5. Сант сургууль 640.17
  6. Шинэ Эхлэл ахлах сургууль 638.11
  7. Орчлон ахлах сургууль 630.62
  8. 11-р ахлах сургууль 629.33
  9.  Нест эдүкейшн сургууль 627.8
  10. Шинэ Эрин ахлах сургууль 625.44
  11. Орхон Хасү бүрэн дунд сургууль 613.25
  12. Олонлог академи 581.75
  13. Эрин эверест интернэшнл сургууль 574
  14. 1-р ахлах сургууль 562.09
  15. Логарифм сурууль 55

Нийгмийн ухааны хичээлийн дундаж оноогоор тэргүүлсэн 15 сургууль

Өнгөрсөн оны ЭЕШ-ийн нийгмийн хичээлийн дундаж үзүүлэлтийн жагсаалтыг 645,6 оноогоор  “Оюунлаг”  сургууль, 634 оноогоор “Эрхэт эрдэм” сургууль  тус тус тэргүүлсэн байна.

  1. Оюунлаг сургууль 645.6
  2. Эрхэт эрдэм 634
  3. 11-р ахлах сургууль 627
  4.  Шинэ монгол Харумафүжи сургууль 620.48
  5. Сант сургууль 609.83
  6. Логарифм сурууль 608.8
  7. Томүжин алтернатив скүүлс сургууль 591.05
  8. Шинэ Монгол сургууль 581.44
  9. Олонлог эгзэ 576
  10. Олонлог академи 573.31
  11. Шинэ Эрин ахлах сургууль 568
  12. Эрин эверест интернэшнл сургууль 557.73
  13. Нест эдүкейшн сургууль 557.36
  14. Шинэ Эхлэл ахлах сургууль 550.3
Уншсан:2269
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

COP17-ын зочид, төлөөлөгчдөд үйлчлэх 250 орчим жолоочийг сургалтад хамруулжээ

Огноо:

2 өдрийн өмнө

,

Цөлжилттэй тэмцэх тухай НҮБ-ын конвенцын Талуудын 17 дугаар бага хурал (COP17)-ын зочид, төлөөлөгчдийн тээврийн үйлчилгээнд ажиллах жолооч нарт зориулсан нэгдсэн сургалтыг Зам, тээврийн яамны “Хөсөг” танхимд зохион байгууллаа.

Сургалтад COP17-ын үеэр автотээврийн үйлчилгээнд ажиллах төрийн болон хувийн хэвшлийн байгууллагууд, “Зорчигч тээвэр I, II”, “Зорчигч тээвэр III, IV”-ийн нийт 250 орчим жолооч, тээврийн хэрэгслийн зохион байгуулалт хариуцан ажиллах албан хаагчид хамрагдаж байна.

Монгол Улсад зохион байгуулагдах олон улсын хэмжээний энэхүү арга хэмжээний үеэр гадаадын зочид, төлөөлөгчдөд аюулгүй, шуурхай, соёлтой, мэргэжлийн түвшинд тээврийн үйлчилгээ үзүүлэх бэлтгэлийг хангах нь сургалтын гол зорилго юм.

Сургалтаар COP17-ын ерөнхий ойлголт, ач холбогдол, зохион байгуулалтын онцлог, зочид, төлөөлөгчдийн ангилал, үйлчилгээний стандарт, жолооч нарын үүрэг хариуцлага, сахилга бат, үйлчилгээний соёл, ёс зүй, мэргэжлийн харилцааны талаар нэгдсэн мэдээлэл өгчээ.

Түүнчлэн зочдыг нисэх буудлаас угтан авах, зочид буудал болон арга хэмжээний байршилд хүргэх үе шат, маршрут, хөдөлгөөний зохион байгуулалт, цагийн менежмент, мэдээлэл дамжуулах журам, холбогдох байгууллагуудын уялдаа холбоо, аюулгүй ажиллагааны чиглэлээр жолооч нарыг сургалт, арга зүйгээр хангаж байна.

Мөн зам тээврийн осол, саатал болон бусад эрсдэл, онцгой нөхцөл үүссэн үед авах арга хэмжээ, ачаалал ихтэй нөхцөлд тайван, зөв, шуурхай шийдвэр гаргах, өдөр тутмын ажлын бэлэн байдлыг хангах зэрэг практик ур чадварыг сургалтын хөтөлбөрт тусгажээ.

Сургалтыг танилцуулах лекц, асуулт-хариулт, жишээнд суурилсан сургалт, багаар ажиллах дасгал, маршрут болон тээвэрлэлтийн урсгалын зураглалтай танилцах, онцгой нөхцөлд ажиллах дадлага зэрэг онол, практик хосолсон хэлбэрээр зохион байгуулж байна.

Сургалтын үеэр COP17 олон улсын бага хурлыг зохион байгуулах Үндэсний хорооны Ажлын алба, Нийслэлийн тээврийн газар, Автотээврийн үндэсний төв болон Тээврийн цагдаагийн албаны холбогдох албан хаагчид чиг үүргийнхээ хүрээнд мэдээлэл өгч, мэргэжил, арга зүйн зөвлөмж хүргэлээ.

Тухайлбал, Тээврийн цагдаагийн албаны Зам тээврийн хяналт, төлөвлөлт, зохион байгуулалтын хэлтсийн ахлах мэргэжилтэн, цагдаагийн дэд хурандаа Т.Ганзориг замын хөдөлгөөний зохион байгуулалт, аюулгүй ажиллагаа болон олон улсын арга хэмжээний үеэр жолооч нарын анхаарах асуудлын талаар мэдээлэл өгсөн байна.

Уг сургалт нь COP17-ын үеэр зочид, төлөөлөгчдийн тээврийн үйлчилгээг аюулгүй, шуурхай, зохион байгуулалттай явуулах, үйлчилгээний нэгдсэн стандарт, сахилга хариуцлагыг хэвшүүлэх бэлтгэл ажлын нэг хэсэг гэж Зам, тээврийн яамнаас мэдээллээ.

Дэлгэрэнгүй унших

Цаг үе

Улаанбаатарт хоногт 250 м³ лаг боловсруулах үйлдвэр байгуулна

Огноо:

2 өдрийн өмнө

,

Инженерийн дэд бүтцийг сайжруулах ажлын хүрээнд “Лаг хатаах, шатаах үйлдвэр”-ийг Улаанбаатар хотын Төв цэвэрлэх байгууламжийн урд хэсэгт, нийт 40 мянган ам метр талбайд 2025-2027 онд байгуулахаар төлөвлөжээ.

Одоогийн байдлаар Төв цэвэрлэх байгууламжаас хоногт дунджаар 238 тонн лаг гардаг бөгөөд хуримтлагдсан лагийн хэмжээ 843,200 м³-д хүрсэн байна.

Шинээр барих үйлдвэр хоногт 250 м³ лаг боловсруулах хүчин чадалтай. Боловсруулалтын дараа лагийн хэмжээг 5-6 м³ үнс болгон бууруулахаар тооцжээ.

Төслийн техник, эдийн засгийн үндэслэлийг боловсруулж дууссан бөгөөд Барилга хөгжлийн төвийн 2025 оны долоодугаар сарын 22-ны өдрийн магадлалын ерөнхий дүгнэлтээр баталгаажуулсан байна.

Мөн Нийслэлийн иргэдийн Төлөөлөгчдийн Хурлын 2025 оны 25/01 дүгээр тогтоолоор баталсан “Төр, хувийн хэвшлийн түншлэлээр нийслэлд хэрэгжүүлэх төслийн жагсаалт”-д лаг хатааж, шатаах үйлдвэр барих төслийг төр, хувийн хэвшлийн түншлэлийн хэлбэрээр хэрэгжүүлэхээр тусгажээ.

Лаг хатаах, шатаах технологи нь бохир ус цэвэрлэх байгууламжаас гардаг лагийг байгаль орчинд аюулгүй аргаар боловсруулж, эзлэхүүнийг эрс бууруулах зориулалттай. Лагийг өндөр температурт шатааснаар эзлэхүүн нь 90 хүртэл хувиар буурч, бактери, вирус болон бусад өвчин үүсгэгч бичил биетнийг устгах боломжтой.

Түүнчлэн шаталтын явцад үүсэх дулааныг цахилгаан болон дулааны эрчим хүч үйлдвэрлэхэд ашиглаж болдог. Зарим технологийн хувьд шаталтын дараа үлдэх үнснээс фосфор зэрэг ашигт эрдсийг сэргээн авах боломжтой аж.

Япон, Герман, Швейцар, Нидерланд, Өмнөд Солонгос зэрэг улс лаг хатаах, шатаах технологийг ашиглаж байна. Тухайлбал, Германд лаг шатаах үйлдвэрээс гарсан үнснээс фосфор сэргээн авах технологи ашигладаг бол Нидерландад төвлөрсөн лаг боловсруулах үйлдвэрүүдээр дулаан, цахилгаан эрчим хүч үйлдвэрлэдэг.

Ийнхүү лаг хатаах, шатаах технологийг лагийн эзлэхүүнийг бууруулахын зэрэгцээ эрчим хүч үйлдвэрлэх, нөөцийг дахин ашиглах чиглэлээр олон улсад өргөн ашиглаж байна.

Дэлгэрэнгүй унших

Цаг үе

Нийтийн тээврийн Ч:19А чиглэлийн замналд түр хугацаагаар өөрчлөлт орууллаа

Огноо:

2 өдрийн өмнө

,

Баянзүрх дүүргийн Монелийн гудамжийн авто замын хэсэгчилсэн засвар, шинэчлэлтийн ажилтай холбоотойгоор тухайн хэсгийн авто замын хөдөлгөөнийг 2026 оны 08 дугаар сарын 7-ны 23:00 цагаас 2026 оны 08 дугаар сарын 10-ны 06:00 цаг хүртэл хаана.

Энэ авто замаар дайран өнгөрдөг нийтийн тээврийн Ч:19А “Цагаан давааны задгай-Сансарын үйлчилгээний төв” чиглэлийн замналд түр хугацаагаар өөрчлөлт орж байна.

Авто замын засварын хугацаанд тус чиглэл дараах зураглалын дагуу үйлчилгээ үзүүлэх тул иргэд та бүхэн зорчилтоо төлөвлөнө үү гэж Нийтийн тээврийн бодлогын газраас мэдээллээ.  

Дэлгэрэнгүй унших
сурталчилгаа

Санал болгох