Улстөр нийгэм
Нийслэлийн ИТХ-ын Ажлын алба олон улсын чанарын менежментийн тогтолцооны стандартыг нэвтрүүлнэ
Олон улсын чанарын менежментийн тогтолцооны стандартыг Нийслэлийн иргэдийн Төлөөлөгчдийн Хурлын үйл ажиллагаанд нэвтрүүлэхэд зөвлөх үйлчилгээ үзүүлэх гэрээг өнөөдөр байгууллаа. Энэхүү стандартыг ХБНГУ-ын Конрад-Аденауэр Сангийн дэмжлэгээр нэвтрүүлэх бөгөөд гэрээнд Нийслэлийн ИТХ-ын Нарийн бичгийн дарга бөгөөд Ажлын албаны дарга Б.Батбямба, тус сангийн суурин төлөөлөгч Виктор Франк, “Менежмент ба ур чадварын хүрээлэн” ТББ-ын захирал Т.Мөнгөнбөгж нар гарын үсэг зурсан юм.
Гэрээ байгуулахын өмнө ЗГХЭГ-ын Орон нутгийн удирдлага, зохицуулалтын газрын дарга П.Зоригтбаатар “Нийслэлийн ИТХ нь иргэдээс шууд сонгогдсон төлөөлөгчид буюу улстөрчдийг төрийн ажилтай холбож байдаг гол байгууллага юм. Тиймээс хурлын Ажлын албаны үйл ажиллагаанд чанарын удирдлагын тогтолцоог нэвтрүүлж ажиллах нь ихээхэн ач холбогдолтой” гэлээ.
Олон улсын чанарын менежментийн тогтолцооны стандартыг нутгийн удирдлагын байгууллагын үйл ажиллагаанд нэвтрүүлснээр үйл ажиллагааны байнгын сайжруулалтын ухамсар буюу байгууллагын соёлыг хөгжүүлж, төрийн албан хаагчийн мэдлэг, ур чадвар, хандлага дээшилж, гүйцэтгэлийн удирдлага сайжрах үр нөлөөтэй аж.
Энэ үеэр Конрад-Аденауэрийн сангийн суурин төлөөлөгч Виктор Франк “Манай сангийн гол зорилго бол ардчиллыг бэхжүүлэх, төрийн болон нийгмийн байгууллагыг хөгжүүлэх, үйл ажиллагааг чадавхжуулахад дэмжлэг үзүүлэх юм. Засаглалын хөгжил ямар байгаа нь төрийн үйлчилгээ иргэдэд хэрхэн ойр, хялбар хүрч байгаагаар хэмжигддэг. Тиймээс энэ чиглэлээр та бүхэнтэй хамтран ажиллах нь ардчиллыг бэхжүүлэхэд оруулж буй хувь нэмэр гэж харж байна” гэв. Харин Нийслэлийн ИТХ-ын Нарийн бичгийн дарга бөгөөд Ажлын албаны дарга Б.Батбямба “Монгол Улсын Үндсэн хууль болон бусад хуулиар Нийслэлийн ИТХ-ын үйл ажиллагаа, эрх үүрэг зохицуулагддаг. Бидний үндсэн үйл ажиллагааны хэлбэр хурал, хуралдаан боловч нийслэлийн хэмжээнд гэмт хэргээс урьдчилан сэргийлэх ажлын зохицуулах, шашны болон цагаатгалын асуудлыг эрхлэх, гамшгийн эрсдэлийг бууруулах зэрэг өргөн хүрээг хамарч ажилладаг. Олон улсын чанарын стандартын тогтолцоог Ажлын албаны үйл ажиллагаанд нэвтрүүлэх нь ихээхэн ач холбогдолтой бөгөөд үр дүнтэй хэрэгжүүлэхийн төлөө бид хичээн ажиллах болно” гэдгийг онцлов. Энэхүү стандартыг Нийслэлийн ИТХ-ын үйл ажиллагаанд нэвтрүүлэхэд зөвлөх байгууллагаар “Менежмент ба ур чадварын хүрээлэн” ТББ ажиллах юм.
Улстөр нийгэм
“Евроазийн их солилцоо: Ирээдүйн боломж, хамтын ажиллагаа” олон улсын анхдугаар чуулган эхэллээ
Монгол Улсын Ерөнхийлөгч Ухнаагийн Хүрэлсүхийн ивээл дор зохион байгуулж буй “Евроазийн их солилцоо: Ирээдүйн боломж, хамтын ажиллагаа” олон улсын анхдугаар чуулган “Чингис хаан” үндэсний музейд эхэллээ.
Манай улсын зүгээс дэлхий дахинаа соёлын дипломат харилцааны шинэ хуудсыг нээж байгаа энэ чуулганд 20 гаруй орны 55 музейн удирдлага оролцож байна.
Төлөөлөгчид харилцаа, хамтын ажиллагаа, тухайн улсынхаа соёлын өвийн хадгалалт, хамгаалалт, музейн хөгжил, бодлого, стратеги, дижитал музей, инновац, маркетинг зэргийн талаар илтгэл тавьж, хэлэлцүүлэг өрнүүлнэ.
Чуулганы нээлтэд Ерөнхийлөгчийн Тамгын газрын дарга А.Үйлстөгөлдөр Ерөнхийлөгч У.Хүрэлсүхийн мэндчилгээг уламжиллаа. Ерөнхийлөгч мэндчилгээндээ, хүн төрөлхтний соёлын өвийг нандигнан хайрлаж, түгээн дэлгэрүүлж, соён гэгээрүүлж, мэдлэг түгээж буй улс орнуудын музейн удирдлага, хамт олонд талархал илэрхийллээ.
Музейн салбарынхны хамтын ажиллагаа нь мэдлэг, соёлын солилцоог эрчимжүүлж, ард түмнүүдийн найрамдал, нөхөрлөлийг бэхжүүлэхэд үнэтэй хувь нэмэр оруулна гэдэгт итгэлтэй байгаагаа тэмдэглэв.
Цаашид туршлага солилцох, хамтарсан төсөл, хөтөлбөр хэрэгжүүлэх болон эрдэм шинжилгээ, сэргээн засварлалт, сан хөмрөг, үзэсгэлэн, боловсролын чиглэлээр дэвшүүлэх аливаа бүтээлч санал, санаачилгыг Ерөнхийлөгч бүх талаар дэмжинэ гэдгийг хэллээ.
Ерөнхийлөгчийн гадаадын улс орнуудад хийсэн төрийн айлчлалын хүрээнд “Чингис хаан” үндэсний музей үзэсгэлэнгээ толилуулж, тухайн улсын музейтэй хамтран ажиллах баримт бичиг байгуулж байгаа.
Тухайлбал Франц, Чех, Швейцарын музейд “Чингис хаан: Монголчууд дэлхийг өөрчилсөн нь”, “Чингис хаан ба Монголын ертөнц”, “Монголчууд ба Торгоны зам”, “Занабазар: Тал нутгийн мэлмий” зэрэг томоохон үзэсгэлэн гаргасан.
Удахгүй Герман, Польш, Литва Улсад үзэсгэлэнгээ дэглэхээр бэлтгэж байна.
Мөн Тажикстан, Киргиз, Казахстан, Туркменистан, Азербайжан, Узбекистан Улсад тусгай үзэсгэлэн гаргахаар төлөвлөжээ. Олон улсын музейн зөвлөл 2026 оныг “Хуваагдмал дэлхийг нэгтгэж буй музейнүүд” уриа дэвшүүлсэн байна.
Энэ нь олон улсын түвшинд үүсээд буй соёл, нийгэм, геополитикийн хуваагдлыг багасгах, харилцан ойлголцол, яриа хэлцэл, хүртээмжтэй байдал, энх тайвныг бэхжүүлэхэд музей тодорхой үүрэг гүйцэтгэж, хувь нэмрээ оруулна гэсэн үг юм.
“Евроазийн их солилцоо: Ирээдүйн боломж, хамтын ажиллагаа” олон улсын анхдугаар чуулган энэ сарын 15-20-ны өдрүүдэд болно.
Улстөр нийгэм
УИХ: Өнөөдөр хуралдах ажлын хэсэг
|
Ажлын хэсэг
9
|
Эхлэх цаг
11:00
|
Сүүлчийн тов
14:00
|
|
11:00
|
Хүний хөгжил, нийгмийн бодлогын байнгын хороо ажлын хэсэг
Нийгмийн ажлын тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
14:00
|
Хууль зүйн байнгын хороо ажлын хэсэг
Хүний эрх, эрх чөлөөг хангахтай холбоотой зарим хуульд нэмэлт, өөрчлөлт оруулах тухай хуулийн төслийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
14:00
|
Байгаль орчин, хүнс, хөдөө аж ахуйн байнгын хороо ажлын хэсэг
Хүнсний тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
14:00
|
УИХ-ын даргын 2026 оны 248 дугаар захирамжаар байгуулагдсан ажлын хэсэг
Монгол Улсын Их Хуралд өргөн мэдүүлсэн татварын харилцааг зохицуулсан хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
14:00
|
УИХ-ын даргын 2026 оны 263 дугаар захирамжаар байгуулагдсан ажлын хэсэг
Уур амьсгалын өөрчлөлтийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
15:00
|
УИХ-ын даргын 2026 оны 23 дугаар захирамжаар байгуулагдсан ажлын хэсэг
Гэр бүлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
||||
|
15:00
|
УИХ-ын даргын 2026 оны 232 дугаар захирамжаар байгуулагдсан ажлын хэсэг
Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төсөл, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл, Монгол Улсын Их Хурлын хяналт шалгалтын тухай хуульд нэмэлт, өө… |
||||
|
16:00
|
УИХ-ын даргын 2025 оны 518 дугаар захирамжаар байгуулагдсан ажлын хэсэг
Тамхины хяналтын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан
|
||||
|
16:00
|
УИХ-ын даргын 2026 оны 27 дугаар захирамжаар байгуулагдсан ажлын хэсэг
Гэр бүлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий ажлын хэсгийн хуралдаан |
Улстөр нийгэм
УИХ: Намын бүлэг, зөвлөлийн хуралдаан
|
ЦАГ
|
БҮЛЭГ, ЗӨВЛӨЛ
|
ТАНХИМ
|
|
10:00
|
Улсын Их Хурал дахь Монгол Ардын намын бүлгийн хуралдаан
|
Жанжин Д.Сүхбаатар
|
| 10:00 | Улсын Их Хурал дахь Ардчилсан намын бүлгийн хуралдаан | Үндсэн хууль |
|
10:00
|
ХҮН намын зөвлөлийн хуралдаан
|
Их Засаг
|
-
Улстөр нийгэм2022/06/08
Нийслэлийн орон сууцны корпорациас сэрэмжлүүлж байна
-
Шударга мэдээ2021/05/19
Израилд байгаа монгол иргэдийн анхааралд...
-
Улстөр нийгэм2026/06/05
Ерөнхий сайд Н.Учрал Бизнесийн эрх чөлөөний тухай хуулийн төслийг яаралтай горим...
-
Цаг үе2026/04/27
Оклахомад хүчтэй хар салхи дайрч, орон сууцнууд сүйдэв